Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- stridentesque iuvant aurae,[*](aurae M, aurea V ) Phrixea subibant
- aequora et angustas quondam sine nomine[*](numine C ) fauces.
- ecce autem prima volucrem sub luce dehiscens
- terruit unda ratem, vittataque constitit Helle,
- iam Panopes Thetidisque soror, iamque aurea laeva
- sceptra tenens. dum sternit aquas, proceresque[*](dum V, tum Carr. 2 | proceresque P, proceremque V ) ducemque
- aspicit et placidis compellat lasona dictis:
- 'te quoque ab Haemoniis[*](Te PM 2, Tu V | ab aehaemoniis V, corr. SM ) ignota per aequora terris
- regna infesta domus fatisque simillima[*](fatisque M 2, fastisque V | simillia V ) nostris
- fata ferunt; iterum Aeolios[*](aeolios M, aelios V | nepotes V, penates C ) Fortuna nepotes
- spargit, et infelix Scythicum gens quaeritis amnem.
- vasta super tellus, longum (ne defice coeptis)
- aequor,[*](Aequor M 2, Aequod V ) et ipse procul, verum dabit ostia Phasis.
- hic nemus arcanum geminaeque virentibus arae
- stant tumulis; hic prima[*](ut supra V, St. t. celeres hic prima piacula Phr. C ) pia sollemnia Phrixo
- ferte[*](Ferte SM 2, Forte V ) manu cinerique, precor, mea reddite dicta:
- non ego per Stygiae quod rere silentia ripae,
- frater, agor; frustra vacui scrutaris Averni,
- care, vias; neque enim scopulis me et fluctibus actam
- frangit hiems: celeri extemplo subiere ruentem
p.52