Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. en! et colla rotat novisque late
  2. bacchatur spatiis viamque replet,
  3. tunc sic virgineo profatur ore:
  4. ‘dicebam, veniet—manete campi
  5. atque amnis—, veniet favente caelo,
    6. [*](imbri M: Iri s. )
  6. qui foedum nemus et putres harenas
  7. celsis pontibus et via levabit.
  8. en! hic est deus, hunc iubet beatis
  9. pro se Iuppiter imperare terris;
  10. quo non dignior has subit habenas,
  11. ex quo me duce praescios Averni
  12. Aeneas avide futura quaerens
  13. lucos et penetravit et reliquit.
  14. hic paci bonus, hic timendus armis,
  15. Natura melior potentiorque.
  16. hic si flammigeros teneret axes,
  17. largis, India, nubibus maderes.
  18. undaret [*]() Libye, teperet Haemus.
  19. salve, dux hominum et parens deorum,
  20. provisum mihi conditumque numen.