Silvae

Statius, P. Papinius (Publius Papinius)

Statius, P. Papinius. Statius, Volume 1. Mozley, John Henry, editor. London: William Heinemann; New York: G.P. Putnam's Sons, 1928.

  1. quid hi fera Alcinoi laudem pomaria vosque,
  2. qui numquam vacui proditis in aethera, rami?
  3. cedant Telegoni, cedant Laurentia Turni
  4. iugera Lucrinaeque domus litusque cruenti
  5. Antiphatae, cedant vitreae iuga perfida Circes
  6. Dulichiis ululata lupis arcemque superbae
  7. Anxuris et sedes. Phrygio quas mitis alumno
  8. debet anus; cedant,quae te iam solibus artis
  9. Antia [*]() nimbosa revocabunt litora bruma
  10. Scilicet hic illi meditantur pondera mores,
  11. hic premitur fecunda quies virtusque serena
  12. fronte gravis sanusque nitor luxuque carentes
  13. deliciae, quas ipse suis digressus Athenis
  14. mallet deserto senior Gargettius horto:
    15. [*](nocte sub arcana s: nocte sub arcano m, artano M, noctis ubi arcano Phillimore. )[*](Antia Markland: avia .V: obvia Postgate. )
  15. haec per et Aegaeas hiemes Hyadumque nivosum
  16. sidus et Oleniis dignum petiisse sub astris,
  17. si Maleae credenda ratis Siculosque per aestus
  18. sit via: cur oculis sordet vicina voluptas?
  19. hic tua Tiburtes Faunos chelys et iuvat ipsum
  20. Alciden dictumque lyra maiore Catillum,