Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. impulit, erumpunt non agnoscentibus agris.
    2. [*]()[*](cibos PDNQ: dapes BKS.)[*](agris Bentley and late MSS.: argis Pω: antris B.)
    v.2.p.176
  2. ceu duo diverso pariter si fulmina caelo
  3. rupta cadant longumque trahant per nubila crinem:
  4. non aliter cursu rapidae atque immane frementes
  5. transibunt campos aurigamque impete vasto,
  6. Amphiarae, tuum — nec defuit omen, eriles
  7. forte is primus equos stagna ad vicina trahebat —
  8. corripiunt; mox Taenarium, qui proximus, Idan
  9. Aetolumque Acamanta premunt: fuga torva per agros
  10. cornipedum, visa donec flammatus Aconteus
  11. strage virum, cui sueta feras prosternere virtus
  12. — Arcas erat — , densis iam fida ad moenia versas
  13. insequitur telis, multumque hastile resumens
  14. ter, quater adducto per terga, per ilia telo
  15. transigit. illae autem longo cum limite fusi
  16. sanguinis ad portas utrimque exstantia ducunt
  17. spicula semianimes, gemituque imitante querellas
  18. saucia dilectis adclinant pectora muris,
  19. templa putes urbemque rapi facibusque nefandis
  20. Sidonios ardere lares, sic clamor apertis