Thebais
Statius, P. Papinius (Publius Papinius)
Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.
- et iam alterna manus frontemque umerosque latusque [*](in austro Baehrens: in austros Pω.)
- collaque pectoraque et vitantia crura lacessit.
- interdumque diu pendent per mutua fulti
- bracchia, nunc saevi digitorum vincula frangunt.
- non sic ductores gemini gregis horrida tauri
- bella movent; medio coniunx stat candida prato
- victorem exspectans, rumpunt obnixa furentes
- pectora, subdit amor stimulos et volnera sanat:
- fulmineo sic dente sues, sic hispida turpes
- proelia villosis ineunt complexibus ursi.
- vis eadem Oenidae; nec sole aut pulvere fessa
- membra labant, riget arta cutis durisque laborum
- castigata toris, contra non integer ille
- flatibus alternis aegroque effetus hiatu
- exuit ingestas fluvio sudoris harenas
- ae furtim rapta sustentat pectora terra.
- instat agens Tydeus fletumque in colla minatus
- crura subit; coeptis non evaluere potiri
- frustratae brevitate manus, venit arduus ille
- desuper oppressumque ingentis mole ruinae
v.2.p.124