Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. molis praevalidae castigat pulvere lapsus.
  2. illa manu magna et multo felicior exit,
  3. nec partem exiguam circi transvecta quievit,
  4. fit sonus, et fixa signatur terra sagitta,
  5. tertius Hippomedon valida ad certamina tardos
  6. molitur gressus; namque illum corde sub alto
  7. et casus Phlegyae monet et fortuna Menesthei.
  8. erigit adsuetum dextrae certamen,[*]() et alte
  9. sustentans rigidumque latus fortesque lacertos
  10. consulit ac vasto contorquet turbine, et ipse
  11. prosequitur, fugit horrendo per inania saltu
  12. iamque procul meminit dextrae servatque tenorem
  13. discus, nec dubia iunctave Menesthea victum
  14. transabiit meta: longe super aemula signa
  15. consedit viridesque umeros et opaca theatri
  16. culmina ceu latae tremefecit mole ruinae:
  17. quale vaporifera saxum Polyphemus ab Aetna
  18. lucis egente manu tamen in vestigia puppis
  19. auditae iuxtaque inimicum exegit Ulixen.
  20. sic et Aloidae, cum iam calcaret Olympum