Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. solibus; haud illam brumae minuere. Notusve
  2. ius habet aut Getica Boreas impactus ab Ursa.
  3. subter operta quies, vacuumque silentia servat
  4. horror et exclusae pallet male lucis imago,
  5. nec caret umbra deo: nemori Latonia cultrix
  6. additur; hanc piceae cedrique et robore in omni
  7. effictam sanctis occubat silva tenebris,
  8. huius inaspectae luco stridere sagittae
  9. nocturnique canum gemitus, ubi limina patrui
  10. effugit inque novae melior redit ora Dianae;
  11. aut ubi fessa iugis, dulcisque altissima somnos
  12. lux movet, hic late iaculis circum undique fixis
  13. effusam pharetra cervicem excepta quiescit,
  14. extra immane patens tellus Mavortia campi,
  15. fetus ager Cadmo. durus qui vomere primo
  16. post consanguineas acies sulcosque nocentes
  17. ausus humum versare et mollia sanguine prata
  18. eruit; ingentes infelix terra tumultus
  19. lucis adhuc medio solaque in nocte per umbras
  20. exspirat, nigri cum vana in proelia surgunt