Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. plura cupit; fusi circum natusque ducesque
  2. solantur minuuntque metus, et iam horrida clangunt
  3. signa tubae, nequit illa pio dimittere natum
  4. complexu multumque duci commendat Adrasto.
  5. At parte ex alia Cadmi Mavortia plebes,
  6. maesta ducis furiis nec molli territa fama,
  7. quando his vulgatum descendere viribus Argos,
  8. tardius illa quidem regis causaque pudore,
  9. verum bella movet, nulli destringere ferrum
  10. impetus, aut umeros clipeo clausisse paterno
  11. dulce nec alipedum iuga comere, qualia belli
  12. gaudia; deiecti trepidas sine mente, sine ira
  13. promisere manus; hic aegra in sorte parentem
  14. unanimum, hic dulces primaevae coniugis annos
  15. ingemit, et gremio miseros adcrescere natos.
  16. bellator nulli caluit deus; ipsa vetusto
  17. moenia lapsa situ magnaeque Amphionis arces
  18. iam fessum senio nudant latus, et fide sacra
  19. aequatos caelo surdum atque ignobile muros
  20. firmat opus. tamen et Boeotis urbibus ultrix