Thebais

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. exstat hians, iamiamque cadat, ni pectore toto
  2. obstet aperta parens et amantibus increpet alis.
  3. dumque opus arcanum et taciti compendia Martis
  4. enumerant laetisque suos complexibus implent
  5. Hopleaque exquirunt tardumque Dymanta queruntur:
  6. ecce et Dircaeae iuxta dux concitus alae
    7. [*](mecum Garrod: et tu P: claro ω: saltem conj. Klotz: sed tu Vollmer: dedero conj. Alton.)[*](potiare ω: potiere D: potiore P (with a written over).)
    v.2.p.354
  7. venerat Amphion; non longum caede recenti
  8. laetatus videt innumeris fervere catervis
  9. tellurem atque una gentem exspirare ruina,
  10. qui tremor elicita [*]() caeli de lampade tactis,
  11. hic fixit iuvenem, pariterque horrore sub uno
  12. vox, acies sanguisque perit, gemitusque parantem
  13. ipse ultro convertit equus; fugit ala retorto
  14. pulvere, nondum illi Thebarum claustra subibant,
  15. et iam Argiva cohors nocturno freta triumpho
  16. prosilit in campos; per et arma et membra iacentum
  17. taetraque congerie sola semianimumque cruorem
  18. cornipedes ipsique ruunt: gravis exterit artus
  19. ungula, sanguineus lavat imber et impedit axes.
  20. dulce viris hac ire via, ceu tecta superbi