Octavia

Seneca, Lucius Annaeus

Pseudo-Seneca, creator; Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. passa catenas, funera, luctus,
  2. tandem letum cruciata diu.
  3. felix thalamis Livia Drusi
  4. natisque ferum
  5. ruit in facinus poenamque suam.
  6. Iulia matris fata secuta est;
  7. post longa tamen tempora ferro
  8. caesa est, quamvis crimine nullo.
  9. quid non potuit quondam genetrix
  10. tua quae rexit principis aulam
  11. cara marito partu que potens?
  12. eadem famulo subiecta suo
  13. cecidit diri militis ense.
  14. quid cui licuit regnum in caelum
  15. sperare, parens tanta Neronis?