Octavia

Seneca, Lucius Annaeus

Pseudo-Seneca, creator; Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. Non vota meos tua nunc casus,
  2. sed fata regunt.
Nvtr.
  1. Dabit afflictae meliora deus
  2. tempora mitis; tu modo blando
  3. vince obsequio placata virum
Oct.
  1. Vincam saevos ante leones
  2. tigresque truces,
  3. fera quam saevi corda tyranni.
  4. odit genitos sanguine claro,
  5. spernit superos hominesque simul,
  6. nec fortunam capit ipse suam
  7. quam dedit illi per scelus ingens
  8. infanda parens, licet ingratum
  9. dirae pudeat munere matris
  10. hoc imperium cepisse, licet
  11. tantum munus morte rependat,
  12. feret hunc titulum post fata tamen
  13. femina longo semper in aevo.
Nvtr.
  1. Animi retine verba furentis,
  2. temere emissam comprime vocem.