Agamemnon

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. fecunda in ignes Hecuba fatorum novas
  2. experta leges induit vultus feros:
  3. circa ruinas rabida latravit suas,
  4. Troiae superstes, Hectori, Priamo, sibi.
Chor.
  1. Silet repente Phoebas et pallor genas
  2. creberque totum possidet corpus tremor;
  3. stetere vittae, mollis horrescit coma,
  4. anhela corda murmure incluso fremunt,
  5. incerta nutant lumina et versi retro
  6. torquentur oculi, rursus immoti rigent.
  7. nunc levat in auras altior solito caput
  8. graditurque celsa, nunc reluctantis parat
  9. reserare fauces, verba nunc clauso male
  10. custodit ore maenaa impatiens dei.