Agamemnon

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. non Xanthus armis corpora immixta aggerens
  2. fluctusque Simois caede purpureos agens,
  3. non nivea proles Cycnus aequorei dei,
  4. non bellicoso Thressa cum Rheso phalanx,
  5. non picta pharetras et securigera manu
  6. peltata Amazon? hunc domi reducem paras
  7. mactare et aras caede maculare impia?
  8. victrix inultum Graecia hoc facinus feret?
  9. equos et arma classibusque horrens fretum
  10. propone et alto sanguine exundans solum
  11. et tota captae fata Dardaniae domus
  12. regesta Danais, comprime affectus truces
  13. mentemque tibimet ipsa pacifica tuam.
Aegisthus Clytemestra Nutrix
  1. Quod tempus animo semper ac mente horrui
  2. adest profecto, rebus extremum meis.
  3. quid terga vertis, anime? quid primo impetu
  4. deponis arma? crede perniciem tibi
  5. et dira saevos fata moliri deos: