Phoenissae

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. fugissem. inhaeret ac recrudescit nefas
  2. subinde, et aures ingerunt quicquid mihi
  3. donastis, oculi, cur caput tenebris grave
  4. non mitto ad umbras Ditis aeternas? quid hic
  5. manes meos detineo? quid terram gravo
  6. mixtusque superis erro? quid restat mali?
  7. regnum parentes liberi, virtus quoque
  8. et ingeni sollertis eximium decus
  9. periere, cuncta sors mihi infesta abstulit:
  10. lacrimae supererant: has quoque eripui mihi.
  11. absiste, nullas animus admittit preces