Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Atque ita coegit frenos invitum pati.
- Tum maestus ille: Parvae vindictam rei
- Dum quaero demens, servitutem repperi.
- Haec iracundos admonebit fabula
- Impune potius laedi quam dedi alteri.
- Plus esse in uno saepe quam in turba boni,
- Narratione posteris tradam brevi.
- Quidam decedens tres reliquit filias:
- Unam formosam et oculis venantem viros;
- At alteram lanificam et frugi rusticam;
- Devotam vino tertiam et turpissimam.