Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Nondum matura est; nolo acerbam sumere.
  2. Qui facere quae non possunt verbis elevant,
  3. Ascribere hoc debebunt exemplum sibi.
  1. Equus sedare solitus quo fuerat sitim,
  2. Dum sese aper volutat turbavit vadum.
  3. Hinc orta lis est. Sonipes iratus fero
  4. Auxilium petiit hominis, quem dorso levans
  5. Rediit ad hostem. Iactis hunc telis eques
  6. Postquam interfecit, sic locutus traditur:
  7. Laetor tulisse auxilium me precibus tuis,
  8. Nam praedam cepi et didici quam sis utilis.