Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Certo conduxit pretio, secretum petit.
- Exigua cum frenaret materia impetum,
- Usus poeta moris est licentia
- Atque interposuit gemina Ledae sidera,
- Auctoritatem similis referens gloriae.
- Opus approbavit; sed mercedis tertiam
- Accepit partem. Cum reliquum posceret:
- Illi inquit reddent quorum sunt laudis duae.
- Verum ut ne irate te dimissum sentiant,
- Ad cenam mihi promitte; cognatos volo
- Hodie invitare, quorum es in numero mihi.
- Fraudatus quamvis et dolens iniuria,
- Ne male dimissam gratiam corrumperet,
- Promisit. Rediit hora dicta, recubuit.
- Splendebat hilare poculis convivium,
- Magno apparatu laeta resonabat domus,
- Repente duo cum iuvenes sparsi pulvere,
- Sudore multo diffluentes corpora,
- Humanam supra formam, cuidam servulo
- Mandant ut ad se provocet Simonidem;