Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Vicini furis celebres vidit nuptias
  2. Aesopus et continuo narrare incipit:
  3. Uxorem quondam Sol cum vellet ducere,
  4. Clamorem ranae sustulere ad sidera.
  5. Convicio permotus quaerit Iuppiter
  6. Causam querelae. Quaedam tum stagni incola:
  7. Nunc inquit omnes unus exurit lacus
  8. Cogitque miseras arida sede emori.
  9. Quidnam futurum est, si crearit liberos?
  1. Personam tragicam forte vulpes viderat:
  2. O quanta species, inquit, cerebrum non habet!
  3. Hoc illis dictum est, quibus honorem et gloriam
  4. Fortuna tribuit, sensum communem abstulit.
  1. Qui pretium meriti ab improbis desiderat,
  2. Bis peccat: primum quoniam indignos adiuvat;