Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- A te decurrit ad meos haustus liquor.
- Repulsus ille veritatis viribus:
- Ante hos sex menses male, ait, dixisti mihi.
- Respondit agnus: Equidem natus non eram.
- Pater hercle tuus, ille inquit, male dixit mihi.
- Atque ita correptum lacerat iniusta nece.
- Haec propter illos scripta est homines fabula,
- Qui fictis causis innocentes opprimunt.
- Athenae cum florerent aequis legibus,
- Procax libertas civitatem miscuit
- Frenumque solvit pristinum licentia.
- Hic conspiratis factionum partibus
- Arcem tyrannus occupat Pisistratus.
- Cum tristem servitutem flerent Attici,
- (Non quia crudelis ille, sed quoniam gravis
- Omnino insuetis), onus et coepissent queri,
- Aesopus talem tum fabellam rettulit.
- Ranae vagantes liberis paludibus