Ibis

Ovid

Ovid. P. Ovidius Naso, Volume 3: Tristia, Ibis, Ex Ponto Libri, Fasti. Ehwald, Rudolf; Merkel, Rudolph; editors. Leipzig: B. G. Teubner, 1889.

  1. Vel videas , quod iam cum flammae cuncta tenerent,
  2. Hectoreus patria vidit ab arce puer .
  3. Sanguine probra luas , ut avo genitore creatus ,
  4. Per facinus soror est cui sua facta parens .
  5. Ossibus inque tuis teli genus haereat illud ,
  6. Traditur Icarii quo cecidisse gener .
  7. Utque loquax in equo est elisum guttur acerno,
  8. Sic tibi claudatur pollice vocis iter .
  9. Aut ut Anaxarchus , pila minuaris in alta ,
  10. Ictaque pro solitis frugibus ossa sonent.
  11. Utque patrem Psamathes, condat te Phoebus in ima
  12. Tartara , quod natae fecerat ille suae .
  13. Inque tuos ea pestis eat , quam dextra Coroebi
  14. Vicit , opem miseris Argolisinque tulit.
  15. Utque nepos Aethrae , Veneris moriturus ob iram ,
  16. Exul ab altonitis excutiaris equis.
  17. Propter opes magnas ut perdidit hospes alumnum,
  18. Perdat ob exiguas te tuus hospes opes .
  19. Utque ferunt caesos sex cum Damasichthone fratres ,
  20. Intereat tecum sic genus omne tuum .