Ibis

Ovid

Ovid. P. Ovidius Naso, Volume 3: Tristia, Ibis, Ex Ponto Libri, Fasti. Ehwald, Rudolf; Merkel, Rudolph; editors. Leipzig: B. G. Teubner, 1889.

  1. Ut duo diversis sub eodem vindice caesi
  2. Vulneribus , Nessus Dexamenique gener :
  3. Ut pronepos , Saturne , tuus , quem reddere vitam
  4. Urbe Coronides vidit ab ipse sua :
  5. Ut Sinis et Sciron et cum Polypemone natus :
  6. Quique homo parte sui , parte iuvencus erat :
  7. Quique trabes pressas in humum mittebat in auras,
  8. Aequoris aspiciens huius et huius aquas:
  9. Quaeque Ceres laeto vidit pereuntia vultu
  10. Corpora Thesea Cercyonea manu .
  11. Haec tibi, quem meritis precibus mea devovet ira,
  12. Eveniant , aut his non leviora malis :
  13. Qualis Achaemenides Sicula desertus in Aetna,
  14. Troica cum vidit vela venire , fuit :
  15. Qualis erat nec non fortuna binominis Iri,
  16. Quique tenent pontem , quae tibi maior erit .
  17. Filius et Cereris frustra tibi semper ametur,
  18. Destituatque tuas usque petitus opes :
  19. Utque per alternos unda labente recursus
  20. Subtrahitur presso mollis harena pedi,