Tristia
Ovid
Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).
- unus in hoc nemo est populo, [*](nemo . . populo populo vix est)
- qui forte Latine quaelibet e medio reddere verba queat.
- ille ego Romanus vates—ignoscite, Musae!—
- Sarmatico cogor plurima more loqui.
- en pudet et fateor, iam desuetudine longa
- vix subeunt ipsi verba Latina mihi.
- nec dubito quin sint et in hoc non pauca libello
- barbara . non hominis culpa, sed ista loci.