Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. ne tamen Ausoniae perdam commercia linguae,
  2. et fiat patrio vox mea muta sono,
  3. ipse loquor mecum desuetaque verba retracto,
  4. et studii repeto signa sinistra mei.
  5. sic animum tempusque traho, sic meque [*](me sicque vel mecumque corr. σ ) reduco
  6. a contemplatu summoveoque mali.
  7. carminibus quaero miserarum oblivia rerum:
  8. praemia si studio consequar ista, sat est.