Tristia

Ovid

Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).

  1. aequus erit scriptis, quorum cognoverit esse
  2. exilium tempus barbariamque locum:
  3. inque tot adversis carmen mirabitur ullum
  4. ducere me tristi sustinuisse manu.
  5. ingenium fregere meum mala, cuius et ante
  6. fons infecundus parvaque vena fuit.
  7. sed quaecumque fuit, nullo exercente refugit,
  8. et longo periit arida facta situ.
  9. non hic librorum, per quos inviter alarque,
  10. copia . pro libris arcus et arma sonant,
  11. nullus in hac terra, recitem si carmina, cuius
  12. intellecturis auribus utar, adest;