Tristia
Ovid
Ovid: Tristia. Ponto. Wheeler, Arthur Leslie, editor. Cambridge, MA; London, UK: Harvard University Press; William Heinemann Ltd., 1939 (printing).
- non quo secedam locus est. custodia muri
- summovet infestos clausaque porta Getas.
- saepe aliquod quaero verbum nomenque locumque,
- nec quisquam est a quo certior esse queam.
- dicere saepe aliquid conanti—turpe fateri!—
- verba mihi desunt dedidicique loqui.
- Threicio Scythicoque fere [*](fero) circumsonor ore,
- et videor Geticis scribere posse modis,
- crede mihi, timeo ne sint inmixta Latinis
- inque meis scriptis Pontica verba legas,
- qualemcumque igitur venia dignare libellum,
- sortis et excusa condicione meae.