Amores
Ovid
Ovid. P. Ovidius Naso, Volume 1: Amores, Epistulae, Medicamina faciei femineae, Ars amatoria, Remedia amoris. Ehwald, Rudolf; Merkel, Rudolph; editors. Leipzig: B. G. Teubner, 1907.
- Felix, qui quod amat defendere fortiter audet,
- Cui sua 'non feci!' dicere amica potest.
- Ferreus est nimiumque suo favet ille dolori,
- Cui petitur victa palma cruenta rea.
- Ipse miser vidi, cum me dormire putares,
- Sobrius adposito crimina vestra mero.
- Multa supercilio vidi vibrante loquentes;
- Nutibus in vestris pars bona vocis erat.