Ars Poetica

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. nomen iambeis, cum senos redderet ictus,
  2. primus ad extremum similis sibi: non ita pridem,
  3. tardior ut paulo graviorque veniret ad auris,
  4. spondeos stabilis in iura paterna recepit
  5. commodus et patiens, non ut de sede secunda
  6. cederet aut quarta socialiter. hic et in Acci
  7. nobilibus trimetris adparet rarus et Enni
  8. in scaenam missos cum magno pondere versus
  9. aut operae celeris nimium curaque carentis
  10. aut ignoratae premit artis crimine turpi.
  11. non quivis videt inmodulata poemata iudex
  12. et data Romanis venia est indigna poetis.
  13. idcircone vager scribamque licenter? an omnis
  14. visuros peccata putem mea, tutus et intra
  15. spem veniae cautus? vitavi denique culpam,
  16. non laudem merui. vos exemplaria Graeca