Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. responsura tuo numquam est par fama labori.
  2. tene, ut ego accipiar laute, torquerier omni
  3. sollicitudine districtum, ne panis adustus,
  4. ne male conditum ius adponatur, ut omnes
  5. praecincti recte pueri comptique ministrent.
  6. adde hos praeterea casus, aulaea ruant si,
  7. ut modo; si patinam pede lapsus frangat agaso.
  8. sed convivatoris, uti ducis, ingenium res
  9. adversae nudare solent, celare secundae.”
  10. Nasidienus ad haec “tibi Di, quaecumque preceris,
  11. commoda dent: ita vir bonus es convivaque comis”
  12. et soleas poscit. tum in lecto quoque videres
  13. stridere secreta divisos aure susurros.’
  14. ‘nullos his mallem ludos spectasse; sed illa
  15. redde age quae deinceps risisti.’ ‘Vibidius dum