Satires
Horace
Horace. The Works of Horace. Vol. II. Smart, Christopher, editor. Philadelphia: J. Whetham, 1836.
- praesentes, Austri, coquite horum obsonia. quamquam
- putet aper rhombusque recens, mala copia quando
- aegrum sollicitat stomachum, cum rapula plenus
- atque acidas mavolt inulas. necdum omnis abacta
- pauperies epulis regum: nam vilibus ovis
- nigrisque est oleis hodie locus. haud ita pridem
- Galloni praeconis erat acipensere mensa
- infamis. quid? tunc rhombos minus aequor alebat?
- tutus erat rhombus tutoque ciconia nido,
- donec vos auctor docuit praetorius. ergo
- siquis nunc mergos suavis edixerit assos,
- parebit pravi docilis Romana iuventus.
- sordidus a tenui victu distabit Ofello
- iudice: nam frustra vitium vitaveris illud,
- si te alio pravum detorseris. Avidienus,
- cui ‘Canis’ ex vero dictum cognomen adhaeret,
- quinquennis oleas est et silvestria corna
- ac nisi mutatum parcit defundere vinum et
- cuius odorem olei nequeas perferre, (licebit
- ille repotia, natalis aliosve dierum