Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. acres procurrunt, magnum spectaculum uterque.
  2. Persius exponit causam; ridetur ab omni
  3. conventu; laudat Brutum laudatque cohortem,
  4. solem Asiae Brutum appellat stellasque salubris
  5. appellat comites, excepto Rege; canem illum,
  6. invisum agricolis sidus, venisse: ruebat
  7. flumen ut hibernum, fertur quo rara securis.
  8. tum Praenestinus salso multoque fluenti
  9. expressa arbusto regerit convicia, durus
  10. vindemiator et invictus, cui saepe viator
  11. cessisset magna conpellans voce cuculum.
  12. at Graecus, postquam est Italo perfusus aceto,
  13. Persius exclamat: ‘per magnos, Brute, Deos te
  14. oro, qui reges consueris tollere, cur non
  15. hunc Regem iugulas? operum hoc, mihi crede, tuorum est.’