Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. praebuit et parochi, quae debent, ligna salemque.
  2. hinc muli Capuae clitellas tempore ponunt.
  3. lusum it Maecenas, dormitum ego Vergiliusque;
  4. namque pila lippis inimicum et ludere crudis.
  5. hinc nos Coccei recipit plenissima villa,
  6. quae super est Caudi cauponas. nunc mihi paucis
  7. Sarmenti Scurrae pugnam Messique Cicerri,
  8. Musa, velim memores et quo patre natus uterque
  9. contulerit litis. Messi clarum genus Osci;
  10. Sarmenti domina exstat: ab his maioribus orti
  11. ad pugnam venere. prior Sarmentus ‘equi te
  12. esse feri similem dico.’ ridemus, et ipse
  13. Messius ‘accipio,’ caput et movet. ‘o tua cornu
  14. ni foret exsecto frons,’ inquit, ‘quid faceres, cum
  15. sic mutilus minitaris?’ at illi foeda cicatrix
  16. saetosam laevi frontem turpaverat oris.
  17. Campanum in morbum, in faciem permulta iocatus,
  18. pastorem saltaret uti Cyclopa rogabat:
  19. nil illi larva aut tragicis opus esse cothurnis.
  20. multa Cicerrus ad haec: donasset iamne catenam