Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. edit cicutis alium nocentius.
  2. o dura messorum ilia.
  3. quid hoc veneni saevit in praecordiis?
  4. num viperinus his cruor
  5. incoctus herbis me fefellit? an malas
  6. Canidia tractavit dapes?
  7. ut Argonautas praeter omnis candidum
  8. Medea mirata est ducem,
  9. ignota tauris inligaturum iuga
  10. perunxit hoc Iasonem,
  11. hoc delibutis ulta donis paelicem
  12. serpente fugit alite.
  13. nec tantus umquam Siderum insedit vapor
  14. siticulosae Apuliae
  15. nec munus umeris efficacis Herculis
  16. inarsit aestuosius.
  17. at siquid umquam tale concupiveris,
  18. iocose Maecenas, precor,
  19. manum puella savio opponat tuo,
  20. extrema et in sponda cubet.