Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. polypus an gravis hirsutis cubet hircus in alis
  2. quam canis acer ubi lateat sus.
  3. qui sudor vietis et quam malus undique membris
  4. crescit odor, cum pene Soluto
  5. indomitam properat rabiem sedare, neque illi
  6. iam manet umida creta colorque
  7. stercore fucatus crocodili iamque Subando
  8. tenta cubilia tectaque rumpit.
  9. vel mea cum saevis agitat fastidia verbis:
  10. “Inachia langues minus ac me;
  11. Inachiam ter nocte potes, mihi Semper ad unum
  12. mollis opus. pereat male quae te
  13. Lesbia quaerenti taurum monstravit inertem.
  14. cum mihi Cous adesset Amyntas,
  15. cuius in indomito constantior inguine nervos
  16. quam nova collibus arbor inhaeret.
  17. muricibus Tyriis iteratae vellera lanae
  18. cui properabantur? tibi nempe,
  19. ne foret aequalis inter conviva, magis quem
  20. diligeret mulier sua quam te.