Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. vel mea cum saevis agitat fastidia verbis:
  2. “Inachia langues minus ac me;
  3. Inachiam ter nocte potes, mihi Semper ad unum
  4. mollis opus. pereat male quae te
  5. Lesbia quaerenti taurum monstravit inertem.
  6. cum mihi Cous adesset Amyntas,
  7. cuius in indomito constantior inguine nervos
  8. quam nova collibus arbor inhaeret.
  9. muricibus Tyriis iteratae vellera lanae
  10. cui properabantur? tibi nempe,
  11. ne foret aequalis inter conviva, magis quem
  12. diligeret mulier sua quam te.
  13. o ego non felix, quam tu fugis, ut pavet acris
  14. agna lupos capreaeque leones!”
  1. Horrida tempestas caelum contraxit et imbres
  2. nivesque deducunt Iovem; nunc mare, nunc siluae