Epodi
Horace
Horace. Q. Horati Flacci Carmina. Vollmer, Friedrich, editor. Leipzig: Teubner, 1912.
- unde expedire non amicorum queant
- libera consilia nec contumeliae graves,
- sed alius ardor aut puellae candidae
- aut teretis pueri longam renodantis comam.
- Quid tibi vis, mulier nigris dignissima barris?
- munera quid mihi quidve tabellas
- mittis nec firmo iuveni neque naris obesae?
- namque sagacius unus odoror,
- polypus an gravis hirsutis cubet hircus in alis
- quam canis acer ubi lateat sus.
- qui sudor vietis et quam malus undique membris
- crescit odor, cum pene Soluto
- indomitam properat rabiem sedare, neque illi
- iam manet umida creta colorque
- stercore fucatus crocodili iamque Subando
- tenta cubilia tectaque rumpit.