Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  • at fides et ingeni
  • benigna vena est pauperemque dives
  • me petit: nihil supra
  • deos lacesso nec potentem amicum
  • largiora flagito,
  • satis beatus unicis Sabinis.
  • truditur dies die
  • novaeque pergunt interire lunae:
  • tu secanda marmora
  • locas sub ipsum funus et sepulcri
  • inmemor struis domos
  • marisque Bais obstrepentis urges
  • submovere litora,
  • parum locuples continente ripa;
  • quid quod usque proximos
  • revellis agri terminos et ultra
  • limites clientium
  • salis avarus? pellitur paternos
  • in sinu ferens deos
  • et uxor et vir sordidosque natos.