De Rerum Natura

Lucretius

-

  1. corpus ea non est; qua porro cumque tenet se
  2. corpus, ea vacuum nequaquam constat inane.
  3. sunt igitur solida ac sine inani corpora prima.
  4. Praeterea quoniam genitis in rebus inanest,
  5. materiem circum solidam constare necessest;
  6. nec res ulla potest vera ratione probari
  7. corpore inane suo celare atque intus habere,
  8. si non, quod cohibet, solidum constare relinquas.
  9. id porro nihil esse potest nisi materiai
  10. concilium, quod inane queat rerum cohibere.
  11. materies igitur, solido quae corpore constat,
  12. esse aeterna potest, cum cetera dissoluantur.
  13. Tum porro si nil esset quod inane vocaret,
  14. omne foret solidum; nisi contra corpora certa
  15. essent quae loca complerent quae cumque tenerent
  16. omne quod est spatium, vacuum constaret inane.