De Rerum Natura

Lucretius

-

  1. quod nunc, aeterno quia constant semine quaeque,
  2. donec vis obiit, quae res diverberet ictu
  3. aut intus penetret per inania dissoluatque,
  4. nullius exitium patitur natura videri.
  5. Praeterea quae cumque vetustate amovet aetas,
  6. si penitus peremit consumens materiem omnem,
  7. unde animale genus generatim in lumina vitae
  8. redducit Venus, aut redductum daedala tellus
  9. unde alit atque auget generatim pabula praebens?
  10. unde mare ingenuei fontes externaque longe
  11. flumina suppeditant? unde aether sidera pascit?