De Rerum Natura

Lucretius

-

  1. esse videlicet in terris primordia rerum
  2. quae nos fecundas vertentes vomere glebas
  3. terraique solum subigentes cimus ad ortus;
  4. quod si nulla forent, nostro sine quaeque labore
  5. sponte sua multo fieri meliora videres.
  6. Huc accedit uti quicque in sua corpora rursum
  7. dissoluat natura neque ad nihilum interemat res.
  8. nam siquid mortale e cunctis partibus esset,
  9. ex oculis res quaeque repente erepta periret;
  10. nulla vi foret usus enim, quae partibus eius
  11. discidium parere et nexus exsolvere posset.