De Rerum Natura

Lucretius

-

  1. qua propter bene cum superis de rebus habenda
  2. nobis est ratio, solis lunaeque meatus
  3. qua fiant ratione, et qua vi quaeque gerantur
  4. in terris, tunc cum primis ratione sagaci
  5. unde anima atque animi constet natura videndum,
  6. et quae res nobis vigilantibus obvia mentes
  7. terrificet morbo adfectis somnoque sepultis,
  8. cernere uti videamur eos audireque coram,
  9. morte obita quorum tellus amplectitur ossa.