De Imperio Cn. Pompei Ad Quirites

Mithridates autem omne reliquum tempus non ad oblivionem veteris belli sed ad comparationem novi contulit. qui postea, cum[*](postea cum Benecke: postea quam (postquam y2) codd.) maximas aedificasset ornassetque classis exercitusque permagnos quibuscumque ex gentibus potuisset comparasset[*](comparavisset H) et se[*](et se HE: om. cett.) Bosphoranis, finitimis suis, bellum inferre simularet, usque in Hispaniam legatos ac litteras[*](ac litteras electanis sy1: electos viros by2: Ecbatanis Naugerius (2)) misit ad eos duces quibuscum tum bellum gerebamus, ut, cum duobus in locis disiunctissimis maximeque diversis uno consilio a binis[*](a binis E2tp: binis H: ab unis cett.) hostium copiis bellum terra marique gereretur, vos ancipiti contentione districti[*](districti Wdp: destricti Et: distincti H) de imperio dimicaretis.