Carmina
Catullus
Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.
- Mentula moechatur. moechatur mentula certe.
- hoc est quod dicunt, ipsa olera olla legit.
- Zmyrna mei Cinnae nonam post denique messem
- quam coepta est nonamque edita post hiemem,
- milia cum interea quingenta Hortensius uno
- ---
- Zmyrna cavas Satrachi penitus mittetur ad undas,
- Zmyrnam cana diu saecula pervolvent.
- at Volusi annales Paduam morientur ad ipsam
- et laxas scombris saepe dabunt tunicas.
- parva mei mihi sint cordi monumenta sodalis:
- at populus tumido gaudeat Antimacho.