Carmina

Catullus

Catullus, Gaius Valerius. Carmina. Merrill, Elmer Truesdell, editor. Boston: Ginn, 1893.

  1. puto esse ego illi milia aut decem aut plura
  2. perscripta, nec sic, ut fit, in palimpsesto
  3. relata: chartae regiae, novi libri,
  4. novi umbilici, lora, rubra membrana,
  5. derecta plumbo et pumice omnia aequata.
  6. haec cum legas tu, bellus ille et urbanus
  7. Suffenus unus caprimulgus aut fossor
  8. rursus videtur: tantum abhorret ac mutat.
  9. hoc quid putemus esse? Qui modo scurra
  10. aut si quid hac re tritius videbatur,
  11. idem infaceto est infacetior rure
  12. simul poemata attigit, neque idem unquam
  13. aeque est beatus ac poema cum scribit:
  14. tam gaudet in se tamque se ipse miratur.