Hecyra

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. Immerito; nam meritus de me est quod queam illi ut commodem.
La.
  1. Facilem benevolumque lingua tua iam tibi me reddidit;
  2. Nam non sunt solae arbitratae hae: ego quoque etiam credidi.
  3. Nunc quum ego te esse praeter nostram opinionem comperi,
  4. Fac eadem ut sis porro; nostra utere amicitia ut voles.
  5. Aliter si facias — sed reprimam me, ne aegre quicquam ex me audias.
  6. Verum te hoc moneo unum: amicus qualis sim aut quid possiem
  7. Potius quam inimicus periclum facias.
PHIDIPPUS. LACHES. BACCHIS.
Ph.
  1. Nihil apud me tibi
  2. Defieri patiar quin quod opus sit benigne praebeatur.
  3. Sed quum tu satura atque ebria eris, puer ut satur sit facito.
La.
  1. Noster socer, video, venit: puero nutricem adduxit.
  2. Phidippe, Bacchis deierat persancte.
Ph.
  1. Haecine ea est?
La.
  1. Haec est.
Ph.
  1. Nec pol istae metuunt Deos; neque has respicere Deos opinor.
Ba.
  1. Ancillas dedo: quolibet cruciatu per me exquire.
  2. Haec res hic agitur: Pamphilo me facere ut redeat uxor
  3. Oportet; quod si perficio, non poenitet me famae,
  4. Solam fecisse id quod aliae meretrices facere fugitant.
La.
  1. Phidippe, nostras mulieres suspectas fuisse falso
  2. Nobis in re ipsa invenimus: porro hanc nunc experiamur: