Phormio

Terence

Terence. Publii Terentii Comoediae Sex. Parry, Edward St. John, editor. London: Whittaker and Co.; George Bell, 1857.

  1. Non possum adesse.
Ge.
  1. Ah, quid agis? quo abis, Antipho?
  2. Mane, inquam.
An.
  1. Egomet me novi et peccatum meumr:
  2. Vobis commendo Phanium et vitam meam.
Ph.
  1. Geta, quid nunc fiet?
Ge.
  1. Tu iam lites audies:
  2. Ego plectar pendens, nisi quid me fefellerit.
  3. Sed quod modo hic nos Antiphonem monuimus
  4. Id nosmet ipsos facere oportet, Phaedria.
Ph.
  1. Aufer mihi "oportet:" quin tu quod faciam impera.
Ge.
  1. Meministine olim ut fuerit vestra oratio
  2. In re incipienda ad defendendam noxiam;
  3. Iustam illam causam, facilem, vincibilem, optimam?
Ph.
  1. Memini.
Ge.
  1. Hem, nunc ipsa est opus ea, aut, si quid potest,
  2. Meliore et callidiore.
Ph.
  1. Eiet sedulo.
Ge.
  1. Nunc prior adito tu: ego in subsidiis hic ero
  2. Succenturiatus, si quid deficias.