Truculentus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. eradicarest certum cumprimis patrem,
  2. post id locorum matrem. nunc hoc deferam
  3. argentum ad hanc, quam mage amo quam matrem meam.
  4. tat, ecquis intust? ecquis hoc aperit ostium?
Astaphivm
  1. Quid istúc? alienun es, amabo, mi Strabax,
  2. qui non extemplo intro ieris?
Strab.
  1. Anne oportuit?
Ast.
  1. Ita te quidem, qui es familiaris.
Strab.
  1. Ibitur,
  2. ne me morari censeas.—
Ast.
  1. Lepide facis.
Trvcvlentvs
  1. Mirum videtur, rure erilem filium
  2. Strabacem non rediisse; nisi si clanculum
  3. conlapsus est hic in corruptelam suam.
Ast.
  1. Iam pol illic inclamabit me si aspexerit.
Trvc.
  1. Nimio minus saévos iam sum, Astaphium, quam fui,
  2. iam non ego sum truculentus, noli metuere.
Ast.
  1. Quid vis? quid metuam? tuam expecto truculentiam.
Trvc.
  1. Dic impera mihi quid libet quo vis modo.
  2. novos ómnis mores habeo, veteres perdidi.