Truculentus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. ego istí non munus mittam? iam † modo ex hoc loco
  2. iubebo ad istam quinque deferri minas,
  3. praeterea obsonari una dumtaxat mina.
  4. multo illi potius bene erit quae bene volt mihi,
  5. quam mihi, qui mihimet omnia facio mala.—
Phronesivm
  1. Puero ísti date mammam. út miserae
  2. matrés sollicitaeque éx animo sumus crúciamurque!
  3. edepól commentum mále, cumque eam rem in córde agito,
  4. nimió—minus perhibemúr malae quam sumus íngenio.
  5. egó prima dé me, domó docta, díco.
  6. quanta ést cura in animo, quantum corde capio