Truculentus

Plautus, Titus Maccius

Plautus. Plauti Comoediae, Volume 2. Leo, Friedrich, editor. Berlin: Weidmann, 1896.

  1. Comprime sis eiram.
Trvc.
  1. Eam quidem hercle tu, quae solita es, comprime,
  2. impudens, quae per ridiculum rustico suades stuprum.
Ast.
  1. Eiram dixi: ut decepisti! dempsisti unam litteram.
  2. nimis quidem hic truculentust.
Trvc.
  1. Pergin male loqui, mulier, mihi?
Ast.
  1. Quid tibi ego male dicó?
Trvc.
  1. Quia enim me truncum lentum nominas.
  2. nunc adeo, nisi abis actutum aut dicis quid quaeras cito,
  3. iam hercle ego hic te, mulier, quasi sus catulos pedibus proteram.
Ast.
  1. Rus merum hoc quidemst.