Trinummus

Plautus, Titus Maccius

Plautus. Leo, Friedrich

  1. haud ineuscheme astiterunt. huc aliquantum apscessero:
  2. est lubido orationem audire duorum adfinium.
Lysiteles
  1. Sta ilico, noli avorsari neque te occultassis mihi.
Lesbonicvs
  1. Potin ut me ire quo profectus sum sinas?
Lys.
  1. Si in rem tuam,
  2. Lesbonice, esse videatur, gloriae aut famae, sinam.
Lesb.
  1. Quod est facillumum, facís.
Lys.
  1. Quid id est?
Lesb.
  1. Amico iniuriam.
Ly.
  1. Neque meumst neque facere didici.
Le.
  1. Indoctus quam docte facis.
  2. quid faceres, si quis docuisset te, ut sic odio esses mihi?
  3. qui bene cum simulas facere mihi te, male facis, male consulis.
Lys.
  1. Egone?
Lesb.
  1. Tune.
Lys.
  1. Quid male facio?
Lesb.
  1. Quod ego nolo, id cum facis.
Lys.
  1. Tuae rei bene consulere cupio.
Lesb.
  1. Tu mihi es melior quam egomet mihi?
  2. sat sapio, satis in rem quae sint meam ego conspicio mihi.