Trinummus

Plautus, Titus Maccius

Plautus. Leo, Friedrich

  1. Nostramne, ere, vis nutricem, quae nos educat,
  2. abalienare a nobis? cave sis feceris.
  3. quid edemus nosmet postea?
Lesb.
  1. Etiam tu taces?
  2. tibi ego rationem reddam?
Stas.
  1. Plane periimus,
  2. nisi quid ego comminiscor. Philto, te volo.
P.
  1. Si quid vis, Stasime.
S.
  1. Huc cóncede aliquantum.
P.
  1. Licet.
Stas.
  1. Arcano tibi ego hoc dico, ne ille ex te sciat
  2. neve alius quisquam.
Phil.
  1. Crede audacter quidlubet.
Stas.
  1. Per deos atque homines dico, ne tu illunc agrum
  2. tuom síris umquam fieri neque gnati tui.
  3. ei rei argumenta dicam.